غالب کا دیوان ان دواوین میں سے ایک ہے جسے سب سے زیادہ طباعت کا شرف حاصل ہے ۔ اور غالب وہ شاعر ہے جسے ادبی دنیا میں سب سے زیادہ پسند کیا جاتا رہا ہے ۔ غالب کی شاعری فارسی سے شروع ہوکر اردو پر ختم ہوتی ہے ۔ غالب کی شاعری میں مضامیں کا جو تنوع ہے کسی اور کے یہاں کم ہی نظر آتا ہے ۔ ان کی شاعری اعلی فکری شاعری کا نمونہ ہے ۔ غالب آج بھی لوگوں کو زبان زد ہے اور درمیان تکلم بات بات پر غالب کے مصرعے ہمیں انہیں بھولنے نہیں دیتے ۔ یہ دیوان ان کی اردو شاعری پر مشتمل دیوان ہے جس میں ان کی شاعری کی جلوہ سامانی نظر آتی ہے۔