دنیا کی قدیم کلاسیکی کتابوں میں اخوان الصفا کا ۵۳ رسائل کا دفتر بھی اپنی ایک الگ اہمیت رکھتا ہے۔بلند پایہ اور ہمیشہ زندہ رہنے والی کتابیں جنھوں نے عالمگیر شہرت اور بقاے دوام کا درجہ حاصل کیا، ان میں سے ایک اخوان الصفا بھی ہے۔اس کتاب کا ترجمہ مغرب ومشرق کی بیشتر زبانوں میں ہو چکا ہے۔اخوان الصفا کی تاریخ طباعت میں اختلاف ہے۔  کوئی اسے تیسری صدی ہجری کے بعد کی تصنیف بتاتا ہے اور کوئی چوتھی صدی ہجری کی۔زیر نظر  اخوان الصفا کا حصہ یوں کہنے کو تو علم الاخلاق سے متعلق رسالہ ہے مگر حق یہ ہے کہ فقط اس ایک رسالے میں دنیا جہاں کے پیچیدہ مسائل موجود ہیں اور مولف کی بصیرت اور علمیت کی داد دینا پڑتی ہے۔